hudz9
Age: 38
Total Posts: 306
Points: 0
Location:
Hyderabad, India
Kaabe kii hai havas kabhii kuu-e-butaan kii hai ,
mujh ko Khabar nahii merii miTTii kahaa kii hai!!
[kuu-e-butaan=beloved’s street>
Kuchh taazagii ho lazzat-e-aazaar ke liye ,
har dam mujhe talaash naye aasamaan kii hai!!
[lazzat-e-aazar=flavour of pain; thrill of pain>
Hasarat baras rahii hai mere mazaar se ,
kehte hai sab ye qabr kisii naujavaan kii hai!!
Qaasid kii guftaguu se tasallii ho kis tarah,
chhipatii nahii vo jo terii zabaan kii hai !!
Sun kar meraa fasaanaa-e-Gam us ne ye kahaa,
ho jaaye jhuuT sach, yahii Khuubii bayaan kii hai!!
Kyuun kar na aa_e Khuld se aadam zamiin par,
mauzuuN vahii vo Khuub hai, jo shay jahaaN kii hai!!
[Khuld=paradise; mauzuuN=fit, well balanced>
URDU hai jisakaa naam hamii jaanate hai ‘Daag’ ,
hindustaan mein dhuum hamaarii zabaaN kii hai
