~ WO KAHEY TAU ... ~

Wo mugh se nahin kehti ...
Kay usay mujh se mohabbat hai ...
Magar woh aaj kal, aik junoon ki zad main rehti hai ...
Ajab aik bekhudi hai jo usay bechain rakhti hai ...
Woh mujh se baat karti hai ...
Bohot hi aam si, mousam ki, logoon ki ...
Mahaz dunya ki, wa rasmi si ...
Woh mujh se baat karne kay, bahaney dhoondti hai un hawaloon se ...
Samaghti hai main us ki aam si baatoon ko bas "yoonhi" samaghta hoon ...
Woh milti hai aksar bahanoon se ...
Kay main guzar rahi thi yahan se tou socha k baat hi kar loon ...
Samaghti hai k main us k in bahanoon ko na janoonga ...
Kabhi jo aahat sunaya karti hai ...
Tou us ki mohabbat us ke chaal se chalakti hai ...
Mujhay bechain karti hai ...
Woh mera dehaan rakhti hai ...
Meri har baat ko hi bin kahe jaan leti hai ...
Samaghti hai woh ye phir bhi ...
Kay us ne khud ko chupa rakha hai khud hi se ...

Magar aksar ...
Woh khud anjane main apna ye parda chaak karti hai ...
Kay jab meri - bohot pehle kahi huwee har baat ko woh yaad rakhti hai ...
Aur unhi lafzoon ko mere saamne dohra bhi deti hai ...
Youn lagta hai ...
Kay us ne meri kahi har baat ko yaad rakha hai ...
Woh jaise aik Sahifa ho ...
Woh mujh se ye nahin kehti ...
Kay us ki khuwahish us ko bohot bechain rakhti hai ...
Ya shayad in dinoon woh khud se bhi chupati hai ...

Ya mujhe se ya apney aap se larti hai
Magar ...
Uski nigaahain aksar us ko nakaam karti hain ...
Kay saray Jame-e-ulfat kay woh bhar bhar kar lutati hain ...
Woh darti hai kay kahin woh kho na de mujh ko ...
Kay koi baat us ki mujh ko us se duur na kar de ...
Woh mujh ko soochti hai ...
Jaagti hai raat bhar woh bhi ...
Magar shayad abhi us ko mohabbat main ....
Khamooshi se hi jalna hai ...

Kay woh jab tak parh nahin leti ...
Ye aankhain, jis main k us ka naam likha hai ...
Kay merey laho ki gardishoon main raqs karti chahatain us ki ...
Woh jab tak paa nahin leti ...
Samagh leti nahin jab tak ...
Kay main bhi kaamzan hoon ...
Khamooshi se us k raaste par ...
Main bhi jaagta hoon, soochta hoon raat bhar us ko ...
Magar us se nahin kehta ...
Kay mein shayad us se keh hi nahin sakta ...

Na abhi na shayad khabhi


              ROHAIL