Afsos magar hum haar gaey

Hum saat samandar paar gaey
Afsos magar hum haar gaey!

Australian hum se jeet gaey
England se hum khud haar gaey
Aur Indian hum ko maar gaey
Hairat hai...kaise haar gaey?!

Kenya bhi zidd par arr gaya
Zimbabwe bhi aagay barh gaya
New Zealand bhi ab to sudhar gaya
Hum hi har baar nakaam gaey
Afsos magar hum haar gaey!

England bhi nakaam chala
Africa ka naa koi naam chala
Naa apna Inzimam chala
Sab apne watan sadhaar gaey
Afsos magar hum haar gaey!

Saeed saa balle baaz bhi tha
Shahid apna shehbaaz bhi tha
Waseem bhi apne paas hi tha
Afsos magar hum haar gaey!

Waqar halaat badal naa saka
Waseem ka jadoo chal naa saka
Shoaib Akhtar dey phal naa saka
Sab saamne India ke bekaar gaey
Afsos magar hum haar gaey!

Har dil gham se maghmoom hua
Jab duniya ko maloom hua
Pakistan CUP se mehroom hua
Aur CUP ley kar aghyaar gaey
Afsos magar hum haar gaey!

Woh pyaare mousam beet gaey
Bekaar humare geet gaey
Hum haar gaey woh jeet gaey
Woh khushiyon se sarshaar huay

Afsos ke hum sharam saar huay!
Likhi thi mein ne ek nazam
Inaam yaafta kehlaey hum
Bekaar mere ash'aar gaey
Kyunke logon! hum haar gaey...
Hum saat samandar paar gaey

Afsos magar hum haar gaey!