Doctor Sam
Age: 124
Total Posts: 19257
Points: 0
Location:
Pakistan, Pakistan
Charaagh jaltay rahain ya hawa theher jaye
teri nihaag pe har silsila theher jaye
theher gya hey sar-e-shaam behta darya bhi
kahien b ab to dil-e-Mubtlaa theher jaye
kisi bhi harf main taseer hi nahi rehti
dilon k beech agar fasla theher jaye
shab-e-visaal main kesa ajab karishma ho
maqabil us k agar aaiena theher jaye
laraz raha hey sitara sa jo sar-e-muzgaan
kuch aisa ho tere daaman pe aa theher jaye
tere salook se hota nahi ye andaaza
koi uthay teri mehfil se ya theher jaye
qasoor tha k nahi,us pe khaak daalain aap
buss aik baar hey jo bhi saza,theher jaye
kisi k wasl ka aaya nahi abhi mosam
koi bahar se keh do zara theher jaye
fana ka khel hey hasti,to kese mumkin hey
zawal-e-umar ka ye silsila theher jaye
palat k aaien zamanay wohi Mohabbat k
k rung chalnay lagain aor saba theher jaye
Kisi ka sath milay aor istarah amjad
k waqt chalta rahay ,raasta theher jaye
