Doctor Sam
Age: 124
Total Posts: 19257
Points: 0
Location:
Pakistan, Pakistan
Main kya likhun
Mohabbat kaienaati wus'aton se bhi
kahien aagay ki laa-Mehdood wus'at hey
kisi chehray ko aankhon aor khwabon ki dua par naqsh karna
usi k baray sochna
aor apni har khwahish ko buss us zaat tak
mehdood kar lena
Mohabbat hey
Thatharti aabshaaron main bujhi thandi hawa sehna
shabon k gunbadon main goonjti bay-chaniyon k dermyaan rehna
Har ik mosam ko apnay androoni mosamon ki zud main lay aana
kabhi mil k kisi se
bay-khabar aadhay samandur tak safar karna
kabhi tanha kisi sahel pe aa k
dair tak lehron ko ginna
aor khala main dekhtay rehna Mohabbat hey
kisi khoye huye ko ghair-iradi tor per
har ajnabi chehray main aksar dhoondtay rehna
hamesha bay-Khayali main
kitaabon, chand taaron, Badalon per
us k baray jhilmilati baat likh dena
ya phir likh kar mita dena
kabhi rangon ki lehron per
usay bay-sot honton se sada dena
sada ko baazgasht aor goonj main dhul kar
khalaaon se tahi daman palat-tay dekhna
aor phir sada Dena
Mohabbat hey
Main kya likhoon
kabhi aisa bhi hota hey
bohat hi rooth kar naraz ho kar
na pasandeeda khayalon, Nafraton ki ot se
ya mukhtalif heelon bahanon se
kisi ko jhanktay rehna
kisi ko sochtay rehna
Mohabbat hey
Farhat Abbas Shah
