Doctor Sam
Age: 124
Total Posts: 19257
Points: 0
Location:
Pakistan, Pakistan
kisi raig-zaar ki dhoop main wo jo qafilay thay bahar k
wo jo un-khilay se gulaab thay
wo jo khwab thay meri aankh main
jo sahaab thay teri aankh main
wo bikhar gaye,Kahien raaston main ghubaar k
wo jo lafz thay dum-e-wapseen
mere hont per
tere hont per
unhain koi bhi nahi sun saka
wo jo rung thay sar-e-shakh-e-Jaan
tere naam k
mere naam k
Unhain koi bhi nahi chun saka
Amjad Islam Amjad
