Doctor Sam
Age: 124
Total Posts: 19257
Points: 0
Location:
Pakistan, Pakistan
sham k surmai andheron main
yun mere dil k dagh jaltay hain
jese parbat k sabz pairdon per
barf k baad dhoop pardti hey
jese sehra ki rait urd urd kar
ajnabi ka tawaaf karti hey,,,
Duur reh kar jo dil main rehta hey
wo sitam-gar bhi ghair kehta hey
kitni masoom aarzuon ko
kistarah log tord jatay hain
jese damm tordtay musafir ko
qafilay walay chord jatay hain
sham k surmai andheron main
yun mere dil k dagh jaltay hain
aanhain bharta hun ashk peeta hun
roz marta hun phir bhi jeeta hun
teri yaadon ki tishnagi ab tak
yun mere dil ko tham leti hey
jese ik taaza qabr per bewa
marne walay ka naam leti hey
sham k surmai andheron main
yun mere dil k dagh jaltay hain
jese parbat k sabz pairdon per
barf k baad dhoop pardti hey
jese sehra ki rait urd urd kar
ajnabi ka tawaaf karti hey,,,
