Ashii
Age: 124
Total Posts: 31001
Points: 0
Location:
France, France
pa-ba-gil sab hein rihaee ki kare tadbeer kaun
dast-basta shehr mei khole meri zanjeer kaun
mera sar hazir hai lekin mera munsif dekh le
kar raha hai mere fard e jurm ki tehreer kaun
aaj darwazon pe dastak jaani pehchani si hai
aaj mere naam laata hai meri tazeer kaun
neend jab khaabon se pyaari ho to aise ehd mei
khaab dekhe kaun aur khaabon ko de tabeer kaun
ret abhi pichle makanon ki na wapis i thi
phir lab e sahil gharonda kar gaya tameer kaun
saare rishte hijraton mei saath dete hein to phir
shehr se jaate hue hota hai daaman-geer kaun
meri chadaar to cheeni thi shaam ki tanhai ne
be-ridaee ko meri phir de gaya tash'heer kaun
dushmanon k saath mere dost bhi azaad hein
dekhna hai khenchta hai mujh pe pehle teer kaun
