Ishq Pagal Kar Gya To Kia Karo Gay Soch lo
Saniha Aisa Hua To Kia Karo Gay Soch Lo
Saath Us Kay Har Qadam Chalnay Ki Aadat Kis Liay
Chorr Kar Wo Chal Dya To Kia Karo Gay Soch Lo
Shor Baahir Hay Abhi Iss Wastay Khamosh Ho
Shor Andar Utha To Kia Karo Gay Soch Lo
Kar Rahay Ho Ghar Naya Taameer Urtee Rait Per
Ye Achanak Gir Gya To Kia Karo Gay Soch Lo
Band Palkon Main Adhoora Khawab Buntay Ho Magar
Koi Un Main Aan Basa To Kia Karo Gay Soch Lo
Dar o Dareechay Sab Makfal Kar Kay Baithay Ho Magar
Wo Achanak Agya To Kia Karo Gay Soch Lo
Doobtay Sooraj Ka Chehra Aur Us Ka Nakhs Pa
Jab Wo Manzar Gum Hua To Kia Karo Gay Soch Lo
