Ashii
Age: 124
Total Posts: 31001
Points: 0
Location:
France, France
woh thaka hua meri bahon mei zara so gaya tha to kya hua
abhi me ne dekha hai chaand bhi kissi shakh e gul pe jhuka hua
jisse le gai hai abhi havaa woh varaq tha dil ki kitaab ka
kahin aansuon se mita hua,, kahin aansuon se likha hua
kai meel reit ko kaat kar, koi mauj phool khila gai
koi peid pyaas se marr raha hai naddi k paas khara hua
mujhe hadson se sajaa sajaa k bohot haseen bana diya
mera dil bhi jaise dulhan ka haath ho mehndiyon se racha hua
wohi khat k jiss pe jagah jagah do mehekte honton k chaand the
kissi bhoole bisre se taaq per tah e gard hoga daba hua
mere saath jugnu hai hamsafar magar iss sheher ki bisaat kya
yeh chiraag koi chiraag hai,, na jalaa hua na bujha hua
