HiRa....
Age: 125
Total Posts: 714
Points: 0
Location:
,
khamosh rahun aisey ya bayaan ho jaun
tu hi bata mujhey ke main kya ho jaun
chat jayen sab andherey teri dunia k
roz-e-roshan ki tara jo main ayaan ho jaun
tu mujhi ko paye jis janib b nigah karey
main banu haqeeqat ya tera guman ho jaun
tu harf ban jaye to ghazal mein samo dun
phir main us ghazal ka unwaan ho jaun
teri nazar ki hikayaten terey dil mein basa kar
main terey dil ki zuban ho jaun
tu phoolon ka ham mizaaj zard patton ka hamdam
main bahaar ban jaun ya khizaan ho jaun
main teri muhabbat ka behta hua chashma
ho jaun sakan ya rawan ho jaun
dil k mandir mein tujhey dewta bana ker
terey charno mein jalta hua diya ho jaun
terey hijar ki dino teri judai ki raton mein
aag ban k sulgun ya dhuwan ho jaun
wo din meri zindagi mein khuda na laye
jab kabhi main tujh sey badguman ho jaun
tu kar aik ishara ik khafeef c junbish
dekh meri jan main kya sey kya ho jaun
