Doctor Sam
Age: 124
7246 days old here
Total Posts: 19257
Points: 0
Location:
Pakistan, Pakistan
NaGuzeer
Ye raat apnay syaah panjon ko jisqadar bhi daraaz kar lay
main tairgi ka ghubaar ban kar nahi jiyoon ga
mujhe pata hey k aik jugnu k jagnay se
ye tairgi ki dabeez chadar nahi hatay gi
mujhe khabar hey k meri bay-zor takkaron se
faseel-e-dehshat nahi hatay gi
main janta hua k mera shola chamak k rizq-e-ghubaar hoga
to bay-khabar ye deyaar hoga
main roshni ki lakeer ban kar kisi sitaray ki masl bikhroon ga
to bastiyon ko khabar na hogi
main janta hoon k meri kam-taab roshni se sehar na hogi
Magar main phir bhi syaah shab ka ghubaar ban kar nahi jiyoon ga
kiran ho kitni naheef lekin kiran hey phir bhi
wo tarjumaan hey k roshni ka wajood zinda hey
aor jab tak ye roshni ka wajood zinda hey
raat apnay syaah panjon ko jisqadar bhi daraaz kar lay
kahien se suraj nikal paray ga.
Amjad Islam Amjad
