Bahut roee hoon

Bahut roee hoon tab ja ke kaheen qaraar mila hai
Is duniya mein kissay sacha pyar mila hai

Guzar rahi hai zindagaani imtehaan ke daur se
Aik khatm huwa tu dosra tayyar mila hai

Mere daaman ko khusheyoon ka nahee malaal
Gham ka khazaana isko beyshumaar mila hai

Woh khushnaseeb hain jinhain mehboob mil gaya
Mein khush hoon mujhe intezaar mila hai

Gham nahee hai mujhe dhushman huwa zamaana
Jab dost hathoon mein liye talwaar mila hai