mohabton ka tiri

mahabbatooN ka tiri ihtiraaf meN ne kia
phhir ik jahaan ko apnay khilaaf meN ne kia

yahaaN to chup thay sabi maslihat ke qaidi thay
faseel-e-jabr meN laikin shigaaf meN ne kia

kia muaaf na khud ko mowaakhZay meN kabi
sitam garooN ka sitam to muaaf meN ne kia

naqeeb-e-haq hooN meN, haq ke liyay to ba'z auqaat
khud apni raay se bhi ikhtilaaf meN ne kia

ghazal pe gard jami thi puraanay lehjooN ki
is aainay ko magar kuchh to Saaf meN ne kia

meN jaanta tha usay, haq pe kon bolay ga
wo shakhs meN hi tha, ye inkishaaf meN ne kia

har aik zaavyay se us ko jaanchna tha mujay
isi liyay to kisi ka Tawaaf meN ne kia