Rehan M Din
Age: 44
Total Posts: 15020
Points: 0
Location:
Pakistan, Pakistan
Teri khushboo ka pata karti hai
Mujh pe ehsan hawa karti hai
Choom kar phool ko ahista se
Mojza baad-e-saba karti hai
Khol kar band kaba gull ke hawa
Aj khushbo ko riha karti hai
Ham nay dekhi hai woh ujli sa-at
Raat jab shair kaha karti hai
Dil ko us raah par chalna hi nahi
Jo mujhe tujh se juda karti hai
Zindgi meri thi lekin ab tau
Teray kahne main raha karti hai
Us ne daikha hi nahi warna ya ankh
Dil ka ahwal kaha karti hai
Daikh tau aan ke chehra mera
Ek nazar bhi teri kya karti hai
Zindgi bhar ki ye takhir apni
Ranj milne ka siwa karti hai
Sham parte hi kisi shaks ki yaad
Koocha-e-jaan main sada karti hai
Masla jab bhi chiragi ka utha
Faisla sirf hawa karti hai
Mujh se bhi uska wesa hai salook
Haal jo tera anaaa karti hai
Dukh hoa karta hai kuch aur bayan
Baat kuch aur hoa karti hai
