Fairl_Girl
Age: 124
Total Posts: 26920
Points: 0
Location:
Pakistan, Pakistan
Rafaaqatoun ne dieye mujhko, adaawatoun ke azaab saarey
Merey he dil pe huye hein naazil mohabbatoun ke azaab saarey
Khushi ki mehfil na raas aayee, hazar chaha ke muskaraien
Tapish se gham ki jhulas gaein hein shaguftagi ke gulaab saarey
Yehi hai tadbir-e-husn- e-gulshan, ewaz guloun ke miley hein kaantey
Ajeeb qismat ka hai karishma, gunah baney hen sawaab saarey
Ghuroor se sar uttha rahey thay,wo jashn-e-masti mana rahey thay
Hawa ne keencha jab daaman apna, hawa huye phir habaab hamarey
Wo khushboun ka libaas pehney mila kuch ayese ke aik pal mein
Parey huye thay jo jism-ojaan per, utter gaye wo niqaab saarey
Sawaal saada sa zindagi se, kiya tha hum ne bhi aik baar
Wo pattharoun ki huye hai barish ke mil gaye jawab saarey
