ONLYARBAB
Age: 39
Total Posts: 7964
Points: 0
Location:
peshawar, Pakistan
Aj arsay bad mil raha hoo, logon
woh zara bhee nahin badla, logon
khush na tha mujh se bichar kar woh bhee
us ke chehre pe likha tha, logon
us ki aankhein bhee keh deti theen
raat bhar woh bhee na soya, logon
ajnabi ban ke jo guzra hai abhi
tha kissi waqt mein apna logon
dost to khair koyi kiss ka hai
is ne dushman bhee na samjha logon
raat woh dard mare dil mein utha
subah tak chain na aaya, logon
payaas sehraaon ki phir taiz hoyi
abar phir toot ke barsaa, logon
