Meray Aaqa Madinay ka

Meray Aaqa Madinay ka Agar Dedaar Ho Jaye
Nazar AngdaiyaaN lay aur Dil Bedaar Ho Jaye

Hqeeqat May wahin Imaan ki Takmeel Hoti hai
Muhammad Ki Risalat ka jahan Iqraar Ho Jaye

Yeh Hasrat hai k Dekhoon is tarha Roo-e-Munawar ko
Nazar Jalwoun se Takratey hi Jalwabaar Ho Jaye

Nabi k Naam per khud Biknay wala kiya kharedega
Agar Sara Jahan Bhi Misr ka Bazaar Ho Jaye

Jidher Nazrain Uthaoon Dekh loon Surat Muhammad ki
Kam -uz- kam Dil ko Un k Ghum se Itna Piyaar Ho Jaye

Rasool Allah ki shafqat bhari Nazroun k Sadqay May
Dehakti Aag Bhi Mere liye Gulzaar Ho Jaye

Nazar Choo ker , Agar paltay Nabi k pay-e-Aqdas ko
Woh Duniya ho k Mehshar , Mera Bayda Paar Ho Jaye

Rais Akhter Agar chalta raheYun hi Qalam Apna
Shaoor-e-Naatgoyii Doulat -e-Fankaar Ho Jaye