cutefriend
Age: 39
Total Posts: 47726
Points: 0
Location:
London, United Kingdom
Iss Dil Ne Tere Baad Mohabbat b Nahi Ki
Had yeh ke Dharakne Ki Jisaarat b Nahi Ki
Tabeer Ka Aeizaaz Hua Hai Usey Hail
Jisne Mere Khuwabon Mein Shiraakat b Nahi Ki
Ulfat To Bari Baat Hai Hum se To Sar-e-Shehar
Logo Ne Kabhi Dhang se Nafrat b Nahi Ki
Aadaab-e-Safar Ab Wo Sikhaate Hain Jinhon Ne
Do Chaar Qadam Tay, Yeh Musaafat b Nahi Ki
Kya Apni Safaayi Mai Bayaan Dete Ke Hum ne
Na-Karda Gunaahi ki Wazaahat b Nahi Ki
Khaamosh Tamashaayi Ki Maanind Sar-e-Bazm
So Zakham Sahey Dil Pe , Shikaayet b Nahi Ki
Iss Ghar Ke Sabhi Log Mujhey Chorney Aaye
Dehleez Talak Uss Ne Yeh Zehmat b Nahi Ki
Uss ne b Ghulamon Ki Safon Mai Humein Rakha
Iss Dil Pe Kabhi Jis Ne Hakoomat b Nahi Ki
