Rapunzel
Age: 124
Total Posts: 51848
Points: 0
Location:
Pakistan, Pakistan
Iss sheher-e-WAFA ki ratoon main
jo andhyare pi leti hain
inn roshaniyun ke narghe main
jo hontoon ko si leti hain
HUM bhi TUMHAIN yaad aaye k nahee'n?
Jab barf giri kohsaroon par
aur hawa chali thandi thandi
yakh basta raat ki khirki par
jab taiz hawa ne dastak di
HUM bhi TUMHAIN yaad aaye k nahee'n?
Jab khat main kisi ko tum ne likha
koi harf-e-dua koi harf-e-WAFA
kisi yaad ka bhoola naqsh koi
jab kaghaz par tehreer hua
HUM bhi TUMHAIN yaad aaye k nahee'n?
Sach kehna itne barsoon main
ye duniya tu abad rahi
HUM ne tu TUMHAIN kya bhoolna tha
TUM ko bhi HUMARI yaad rahi?
HUM bhi TUMHAIN yaad aaye k nahee'n?