Kuch din se..

Ajeeb Rang Ka Mousam Chala Hai Kuch Din Say
Nazar Pay Boojh Hai Aur Dil Khafa Hai Kuch Din Say

Woh Aur Tha Jissay Tu Jaanta Tha Barson Say
Main Aur Hoon Jissay Tu Mil Raha Hai Kuch Din Say

Aada Hai, Shokhi Hai, Jaadu Hai Ya Faraib Koi
Na Jaanay Un Ki Nigahon Mian Kia Hai Kuch Din Say

Azal Say Tera Taaruf Raha Hai Husn-O-Jamal
Magar Yeh Dil Main Jo Mehshar Barpa Hai Kuch Din Say

Shehar Ka Shehar Chala Aata Hai Kashkool Ba-Dast
Suna Hai Deed Ta Dar Waa Howa Hai Kuch Din Say