Logo
Reply

vo baat baat pe jii bhar ke bolane vaalaa

vo baat baat pe jii bhar ke bolane vaalaa
ulajh ke rah gayaa, Dorii ko kholane vaalaa

lo saare shahar ke patthar sameT laaye ham
kahaa.N hai ham ko shab-o-roz tolane vaalaa

hamaaraa dil to samandar thaa us ne dekh liyaa
bahut udaas huaa zahar gholane vaalaa

kisii kii mauj-e-ravaa.N se khaa gayaa kyaa maat
vo ek nazar me.n dilo.n ko TaTolane vaalaa

vo aaj phir yahii doharaa ke chal diyaa 'Bani'
mai.n bhuul ke nahii.n ab tujh se bolane valaa

Posted on 7/18/2005 7:42:45 PM
ahii taaj hai vahii taKht hai vahii zahar hai vahii jaam hai
ye vahii Khudaa kii zamiin hai ye vahii buto.n kaa nizaam hai

ba.De shauq se meraa ghar jalaa koii aa.Nch na tujhape aayegii
ye zubaa.N kisii ne Khariid lii ye qalam kisii kaa Gulaam hai

mai.n ye maanataa huu.N mere diye terii aa.Ndhiyo.N ne bujhaa diye
magar ik juganuu havaao.n me.n abhii raushanii kaa imaam hai
Posted on 7/18/2005 7:43:09 PM
vo chaa.Ndanii kaa badan Khushbuuo.n kaa saayaa hai
bahut aziz hame.n hai magar paraayaa hai

utar bhii aao kabhii aasamaa.N ke ziine se
tumhe.n Khudaa ne hamaare liye banaayaa hai

mahak rahii hai zamii.n chaa.Ndanii ke phuulo.n se
Khudaa kisii kii muhabbat pe muskuraayaa hai

use kisii kii muhabbat kaa aitabaar nahii.n
use zamaane ne shaayad bahut sataayaa hai

tamaam umr meraa dam use dhue.N se ghuTaa
vo ik charaaG thaa mai.n ne use bujhaayaa hai
Posted on 7/18/2005 7:46:20 PM
aisaa lagataa hai zindagii tum ho
ajanabii jaise ajanabii tum ho

ab ko_ii aarazuu nahii.n baakii
justajuu merii aaKhirii tum ho

mai.n zamii.n par ghanaa a.Ndheraa huu.N
aasamaano.n kii chaa.Ndanii tum ho

dosto.n se vafaa kii ummiide.n
kis zamaane ke aadamii tum ho
Posted on 7/18/2005 7:47:31 PM
duusaro.n ko hamaarii sazaaye.n na de
chaa.ndanii raat ko bad-duaaye.n na de

phuul se aashiqii kaa hunar siikh le
titaliyaa.N Khud ruke.ngii sadaaye.n na de

sab gunaaho.n kaa iqaraar karane lage.n
is qadar Khubasuurat sazaaye.n na de

motiyo.n ko chhupaa siipiyo.n kii tarah
bevafaao.n ko apanii vafaaye.n na de

mai.n bikhar jaa_uu.Ngaa aa.Nsuuo.n kii tarah
is qadar pyaar se bad-duaaye.n na de
Posted on 7/18/2005 7:47:59 PM



gud work
Posted on 7/19/2005 12:13:54 AM
Posted on 7/19/2005 10:41:08 AM
thankoooooooo
Posted on 7/19/2005 5:06:47 PM
Reply