Eid aaye hai baba KAFAN bhaij do.........

Posted on 11/2/2005 6:09:19 PM

Eid aai ha Baba ......................

Eid Aai hai.......Baba kafan bhej do

mera ,munni ka ,bhaiya ka .Ammi ka

or piyari Dadi ka Baba kafan bhej do.....

Ab ke kambal bichone nahin chahiye

mujh ko apne khilone nahin chahiye.....

apni munni ko gurya nahin chahiye

koi khuabon ki purya nahin chahiye....

koi patloon ,shart ,or ghari bhi nahin

Dadi maan ke liye ab chari bhi nahin .....

Aai Eid hai Baba kafan bhej do......

mera bustaa na jane kahan kho gaya ?

mere kapre najane kahan dafn hain ?

sari chiryan na jane kahan urh gain

jane sab Aashiane kahan dafn hain?....

Dadi amman ke hathon mei tasbeeh jo thi ...

jane ab us ke dane kahan dafn hain ...?

jo mere bhaiya ki aankhon mei thay kabhi ...

wo khushion ke khazane kahan dafn hain ...?

khair ab dhoondna kia kafan bhej do ....

Eid aai hai Baba kafan bhej do.....

Posted on 11/2/2005 6:10:37 PM