Jo khayal they na qayas they wohi log mujh sey bichar gaye
jo mohabbaton ki asaas they wohi log mujh sey bichar gaye

Jinhain maanta hi nahi ye dil wohi log merey hain hamsafar
mujhey har terha sey jo raas they wohi log mujh sey bichar gaye

Mujhey lamha bhar ki rifaqaton key saraab bohat satayen gey
meri umr bher ki jo pyaas they wohi log mujh sey bichar gaye

Ye jaal sarey hain aarzi ye gulaab sarey hain kaghzi
gul-e-arzoo ki jo baas they wohi log mujh sey bichar gaye

Jinhain ker saka na kubool mai wohi shareek-e-raah safer huey
jo meri talab meri aass they wohi log mujh sey bichar gaye

Meri dharkanon key kareeb they meri chah they mera khuaab they
wo jo roz-o-shab merey pass they wohi log mujh sey bichar gaye


[Aitbaar Sajid]