Rapunzel
Age: 124
Total Posts: 51848
Points: 0
Location:
Pakistan, Pakistan
کبھی اس نگر تجھے دیکھنا کبھی اس نگر تجھے ڈھونڈنا
کبھی رات بھر تجھے سوچنا کبھی رات بھر تجھے ڈھونڈنا
مجھے جا بجا تیری جستجو تجھے ڈھونڈتا ہوں میں*چار سو
کہاں کھل سکا تیرے روبرو میرا اس قدر تجھے ڈھونڈنا
میرا خواب تھا کہ خیال تھا وہ عروج تھا کہ زوال تھا
کبھی فرش پر تجھے دیکھنا کبھی عرش پر تجھے ڈھونڈنا
تیری یاد آئی تو رو دیا جو تو مل گیا تجھے کھو دیا
میرے سلسلے بھی عجیب ہیں تجھے چھوڑ کر تجھے ڈھونڈنا
یہ میری نظر کا کمال ہے کہ میری نظر کا جمال ہے
تجھے شعر شعر میں*سوچنا سر بزم و در تجھے ڈھونڈنا
یہاں ہر کسی سے بیری ہے تیرا شہر قریہ غیر ہے
یہاں سہل بھی تو نہیں کوئی مرے بے خبر تجھے ڈھونڈنا
