Mujh ko apni Hadon main rehne day

another favourite item

Posted on 11/7/2006 10:10:46 PM

har nafs ranj ka ishara hey
aadmi dukh ka ist'ara hey

mujh ko apni hadon main rehne day
main samandar hoon tu kinara hey

ajnabi ! shab ko rasta na badal
tu meri subh ka sitara hey

ya sama'at ki khud farebi thi
ya teri yaad ne pukara hey

sham-e-shab-khooN ne dasht se poocha
kis ne rakht-e-safar utara hey

janay kion sogwaar sannata
mot ko zindagi se pyara hey

umr bhar be-charaagh raston main
zindagi ne hamain guzara hey

chahton ki bisaat par Mohsin
dil bardi mushkilon se haara hey

Mohsin Naqvi

Posted on 11/7/2006 10:14:35 PM