Hum dono..

dukh chupaaye huay hain ham dono
zakhm khaye huay hain ham dono

aisa lagta hai phir zamaane ko
yaad aaye huay hain ham dono

tu kabhi chandni thi, dhoop tha mai
ab to saaye huay hain ham dono

jaise ik dusre ko paa kar bhi
kuch ganwaaye huay hain ham dono

jaise ik dusre se sharminda
sar jhukaaye huay hain ham dono

jaise ik dusre ki chahat ko
ab bhulaaye huay hain ham dono

ishq kaisa, kahan ka ehad Faraz
ghar basaaye huay hain ham dono

Posted on 3/24/2009 10:32:21 PM

~Fragi~

nice..........

Posted on 4/17/2009 2:58:12 PM

sun_shine

Posted on 5/8/2009 1:21:17 AM