Kis ka yeh aks meri ghazal mai sama gia
Har harf meray shair ka khusboo luta gia

chandni mai ham say na ghar per raha gia
itni si baat per mujhay pagal kaha gia

yeh kon shab ko meray khayalon mai aa gia
bujhtay howay charagh ki kuch lau barha gia

pichlay pehar ka chand bhe kitna udas tha
sahil pey meray sath woh chalta chala gia

sahil pay us ka naam abhi likh raha tha mai
phir yeh huwa keh aa kay samundar mita gia

jalwon ka azdaham tha kul us ki bazm mai
mujh say na koi shair-e-ghazal kaha gia

kal shab ko aik chand mera ham rikab tha
shahid mai chandni mai nahata chala gia