Rapunzel:

kOoLeSt1:

paani per bhi zaad-e safar main piyaas tu letey hain
chahney waley aik dafa bin baas tu letey hain

aik hi sheher main reh kar jin ko izn-e deed na ho
yehi bohat hai, aik hawa main saans tu letey hain

rasta kitna dekha howa ho, phir bhi shah-sawaar
aerh laga kar apney haath main raas tu letey hain

phir aangan dewaroo.n ki onchaai main gum hoon gai
pehley pehel ghar apnoo.n k paas tu letey hain

yehi bohat hai k bachey khaali haath nahi hain
apney purkhoo.n ki meraas tu letey hain

bohat Khoob

shukria

Rapunzel:

kOoLeSt1:

Chalo Aao NishaaN Dhoondain
Khoya Hua JahaaN Dhoondain

Merey Haath Mein Haath De Do
Mil Kar KehkashaaN Dhoondain

Thehro! Zara Raakh Kuredain
Jala Hua ArmaaN Dhoondain

Meri Raat Ko Roshan Kar De
Taaron Bhara AasmaaN Dhoondain

Khud Khoya Teri Talash Mein
Akhir Tujhey KahaN Dhoondain

Pathar Dilon Ko Mom Kar De
Aisa Koi MehrbaaN Dhoondain

Bhatkey Hoye Ko Panah De
Aao Koi SayibaaN Dhoondain

Wo Dil Ki Baat Samajh Le
Aisi Koi ZubaaN Dhoondain

Wo Jheel Kinarey Pe Ho ga
Aao Usey WahaN Dhoondain

Salamat Dar-o-Deewaar Rakhta Ho
Aaj Aisa MakaaN Dhoondain

Be Ikhtiyaari Ka Daman PakRey
Lutf-e-Jalwa-e-JanaaN Dhoondain

sab poems bohat achi hai specially ye wali

bohot shukria

Rapunzel:

Saamnay aa key nigaahoon ko churaata kiyoon hay
Hay ager piyaar ussay bhee to chuppaata kiyoon hay
Chain din main hay ussay aur na raatoon ko sakoon
Itnee qurbet hay to phir rooth kay jaata kiyoon hay
Youn to main bhool gaya hoon ussay maazi kee tarah
Dil ko her waqt mager yaad woh aata kiyoon hay
Teri faryaad sunni hay na sunnay ga koi
Phir bhee tu haath duaaoon ko uthaata kiyoon hay

Miss mine:

kOoLeSt1:

Main Bhula Chuka Sabhi Waastey Jo Thay Manzilon Ke Hasool Mein
Mairi Manzilon Ke Hasool Mein Teri Raah Aaye To Kya Karoon

Jo Pukaarta Tha Her Aik Gharri Jo Jurra Tha Dil Say Larri Larri
Koi Shaks Aisa Ager Kabhi Mujhey Bhool Jaye To Kya Karoon

Kabhi Saath Tha Jo Ke Doo-ba-Doo Tha Humesha Mairey Hi Ru-ba-Ru
Jo Barrha Raha Tha Qadem Mairey Woh Hi Dagmaga jaye To Kya Karoon

Woh Charaagh-e-Dar Jo Jala Kabhi Main Bujha Chuka Hoon Magar Kabhi
Ke Bujha Huwa Bhi Diya Ager Maira Ghar Jalaye To Kya Karoon

Mainey Aks Tak To Mitta Diye Sabhi Aainey Bhi Chupa Diye
Tujhey Daikhta Koi Door Say Mairey Pass Aaye To Kya Karoon

nice collection koolest

mehrabani

Fairl_Girl:

KOOLEST KA KOI PATA HAI

haan g hai..

Fairl_Girl:

Ab yad delaye kon tumhen,
Ye saal b aakhir beet gaya,
Aur apna b koi dosh nahi,
Ye bazi b jag jeet gaya,
Wo sard hawayen ab b hen,
Rangeen fizayen ab b hen,
Wo bhegay bhegay pani ki,
Pur-shor sadayen ab b hain,
Main ab b udher ko jata hon,
Aur dil apna sulgata hon,
Ab tum nahi hote sath mery,
Hotey hen khali hath mery,
Pur-shor sadayen pochti hen,
Wo sard hawayen pochti hen,
Wo kahan gaya sathi tera.? Kya phir ye zamana jeet gaya...???

DARD… mara afsurda chehra isliye b zard rahta hai.. .. mujhe apne elawa b kisi ka dard rahta hai…. Tumharay dam qadam se hay ye mosam ki rangini… tumharay baad sara saal mosom sard rahta hai. Tumharay baad baqi aur to sab theek hay lekin…. Jaha “DIL” tha kabi pehlay wahan ab DARD rahta hai..

Palkon pe aanso’on ko sajaya na jaa saka
us ko bhi Dil ka haal bataya na jaa saka

zakhmon se choor choor tha yeh Dil mera
ek zakham bhi us ko dikhaya na jaa saka

jab teri yaad aayi to koshish ke ba wajood
aankhon main aanso’on ko chupaya na jaa saka

kuch log zindagi main aise bhi aaye hain
jin ko kisi bhi lamhe bhulaya na jaa saka

bas is khayaal se kahin us ko dukh na ho
hum se to haal-e-ghum bhi sunaya na jaa saka

woh muskuraha tha mere ru-ba-ru magar
chehre ka rang us se chupaya na jaa saka

tanhaiyon ki aag main hum jal gaye
magar faasla ana ka mitaya na jaa saka

Talaash li kushi meine gum k ashiyane me

Kya dega mujhe ab or is zamaane me

Itna bereham na bane koi kisi k liye

Jiteni duniya bangayi mujhko satane me

Pita raha ashko ko kuch na kha kisi se

Har hadhe par ki humne gum uttaney me

Mujhse kya khata huei ya mere dil se

K sab saatne aaye hass- 2 kar mujhe roolane me

Poochta hai “Ashiqe” kya khata huei mujhse dosto

Ki koi saat nahi deta mera muskarane me

Khatam kardo mujhko aye duniya walo

K zayda waqt na lagega mujhe soolane me

Aankh jab ashk bahaaye toh mujhe likh dena!
Jab meri yaad sataaye toh mujhe likh dena!
Koi sawan ki ghata jab tere chatt pe aake,
Aag si dil mein lagaye toh mujhe likh dena!
Shab ke sannate mein jab toota hua dil koi,
Dard ka geet sunaye toh mujhe likh dena!
Haath phir dekhna apne shab-e-tanhaai mein,
Uski har lakheer bulaye toh mujhe likh dena!
Aye meri jaan-e-jahaan teri wafa ke moti,
Bheegi palkein jo lutayein toh mujhe likh dena!
Koi muh zor hawa jab hamari ulfat ki yaad,
Dil se sare naksh mitaaye toh mujhe likh dena

Main Ne Parindo Se Pyaar Kya To,,
Woh Urh Gaya

Main Ne Sooraj Se Pyaar Kya To,,,
Woh Gharoob Ho Gaya

Main Ne Chand Se Pyaar Kya To,
Woh Badlon Main Chup Gaya

Main Ne Pani Se Pyaar Kya To,
Woh Beh Gaya

Main Ne Baraf Se Pyaar Kya To,
Woh Pighal Gaya

Main Ne Barish Se Pyaar Kya To,
Woh Baras K Thum Gaya

Main Ne Aag Se Pyaar Kya To,
Woh Bujh Gai

Main Ne Phoolon Se Pyaar Kya To,
Woh Murjha Gaya

Main Ne Kanto Se Pyaar Kya To,
Wo Toot Gaya

Main Ne Janwaron Se Pyaar Kya To,
Woh Meri Zaban Na Samjh Sakay

Or Jab..Main Ne Insaan’on Se Pyaar Kya To,
Woh Be-Wafa Niklay

yeh zara zara si bat py
ye trah trah k azab kyon
jo kisi sy b khafa na ho
mujy us KHUDA ki talash hy

bina humsafar k kab talak
koi musafton main lga rahy
jahan koi kisi sy juda na ho
mujy us rah ki talash hy

mujy daikh kar jo ik nazar
mery sary dard smaj sky
jo is kadar ho chara gar
mujy us nigah ki talash hy

yeh jo sahta sy hain kehkahy
mery dil ko lagty hain bojh sy
woh jo apny ap main mast ho
muji us hasi ki talash hy

tumhe.n bhuul jaa_uu.N ye hotaa nahii.n
ko_ii vaqt ho dard sotaa nahii.n

na ho jaao bad_naam tum is liye
mai.n ro ro ke daaman bhigotaa nahii.n

ye vo fasl hai jo uge Khud-ba-Khud
ko_ii dard ke biij botaa nahii.n

ye maanaa ke tuufaan kaa zor hai
mai.n ghabaraa ke kashtii Dubotaa nahii.n

jaata hoon tere dar se
mujhko tum bhula dena
ho sake to aisa bhi karna
bahut dinon tak ilzaam na dena

thoda pyaar bhi yaad rakhna
thodi muskaane bhi
aye mere haseen dost
mujhko sirf ilzaam na dena

teri yaad pal pal sataayegi
phir zindagi is patte ko udaa le jaayegi
jaata hoon tere dar se
mujhko tum bhula dena

kaash kuch din aur hote kismat mein
kaash main adna insaan na hota
jaata hoon tere dar se
mujhko tum bhula dena

tera dard ab na baat paoonga
teri kismat phir kahan sanwaar paoonga
jaata hoon tere dar se
mujhko tum bhula dena

ho sake to kabhi mujhe maaf kar dena
ho sake to mere liye
apne aansoo khud ponch lena
jaata hoon tere dar se
mujhko tum bhula dena

pehle roushni ko tarasne wale,
aaj hain hum shayon se dosti rakhne wale

woh suna chuke hain humein apna faisla,
har sawal ka jawab sawal se dene wale

kyon umeed karke udas karon khud ko,
jhooti *** banaee kwabon mein rehne wale

teri nasseb mein hai sirf sohrat-e-harf,
nahi milenge lafzoon ko mehsoo karne wale

[sohrat-e-harf= fame as a word smith, or fame of letters]

woh laga gaye hain mujh par ilzam kya kya,
rooz fareb, hamesha se ghaat karne wale

koun koun se zakmon ko chupaoon main,
itne gehre hain mere ghaw nahi chupne wale

kya pyar karon ab to nafrat bhi nahi ati,
youn loot gaye mujhe bewafaee karne wale

bech deta hai zamana masihon ko 'Nazeer'
rehbar he the Isa ko saleeb tak pohchane wale

hmm good

thnks bro :-)