Fairl_Girl
Age: 124
7527 days old here
Total Posts: 26920
Points: 0
Location:
Pakistan, Pakistan
Mein hoon tera khayal hai aur chaand Raat hai... Dil dard se nidhaal hai aur chaand raat hai... Aankhon mein chubh gayein teri yaadon ki kirchiyan... Kandhon pe gham ki shaal hai aur chaand Raat hai... Dil tor ke khamosh nazaron ko kiya mila... Shabnam ka ye sawal hai aur chaand Raat hai... Phir titliyan si urne lagein dasht-e-khuwaab mein... Phir khuwahish-e-wisaal hai aur chaand Raat hai... Campus ki nehar per hai tere haath haath mein... Mausam bhi lazawal hai aur chaand Raat hai... Har aik kali ne orh liya matami libaas... Har phool per malaal hai aur chaand Raat hai... Meri to por por mein khush si bas gayi... Us per tera khayal hai aur chaand Raat hai... Chalka sa par raha hai 'wasi' wehshaton ka rang... Har cheez pe zawwal hai aur chaand Raat hai...
Fairl_Girl
Age: 124
7527 days old here
Total Posts: 26920
Points: 0
Location:
Pakistan, Pakistan
kal ajab saniha hoa
kal ajab saniha hoa Rait per... Naam tera likh nahin saka Rait per... Kis ki awaaz se tham hain qadam... Phir se kis ne mujhe di sada Rait per... Us ki aankh se sholey nikalte Rahe... Naachti reh gayi kal ghata Rait per... Tu ne jo bhi hawa se kaha Reh gaya... Mit gaya mein ne jo bhi likha Rait per... Mein tumhein choomna chahta hoon abhi... Us ne mujh se ye aik din kaha Rait per... Ab ye sehra hi tere muqaddar mein hai... Tune maangi hi kion thi duaa Rait per... Aik shola utha us jaga se Mera ansoo jahan gir gaya Rait per...
Fairl_Girl
Age: 124
7527 days old here
Total Posts: 26920
Points: 0
Location:
Pakistan, Pakistan
SarDiyon ka Mausam Hai...
Gul-e-zaban pe wohi Sardiyon ka mausam hai... Tumhari "HAAN" pe wohi Sardiyon ka mausam hai... Darakht per jo kabhi chooriyon se daala tha... Us aik nishaan pe wohi Sardiyon ka mausam hai... Ye aik hum ke nayi boliyan sada bolein... Teri zaban pe wohi Sardiyon ka mausam hai... Sulag rahi hain zehan mein qubayein lafzon ki... Magar zuban pe wohi Sardiyon ka mausam hai... Tumhare aane pe Sooraj ke haath chamkenge... Mere makaan pe wohi Sardiyon ka mausam hai... Har aik simt pighalne lage hain Sannate... Tere bayan pe wohi Sardiyon ka mausam hai... Jahan jahan teri khushbu ke Rang bikhrey hain... Wahan wahan pe wohi Sardiyon ka mausam hai... Teri judayi ke pal se hoa hai ishq hunoot... Ke is jahan pe wohi Sardiyon ka mausam hai... Woh "HAAN" karegi baharon mein us ka wada tha... Us aik "HAAN" pe wohi Sardiyon ka mausam hai... Woh mujh ko sonp gaya furqatein december mein... Darakht-e-jaan pe wohi Sardiyon ka mausam hai... Hamare lab to Duayein jalaye rakhte hain... Per Asmaan pe wohi Sardiyon ka mausam hai...
Fairl_Girl
Age: 124
7527 days old here
Total Posts: 26920
Points: 0
Location:
Pakistan, Pakistan
Kaun kehta hai mohabbat ki zuban hoti hain... Yeh haqeeqat to nigahon say bayan hoti hain Woh na aaye tou satati hai khalish see dil ko... Woh jo aaye to khalish aur jawan hoti hain Rooh ko shaad karey dil ko jo purnoor karey... Har nazaaray mein yeh tanveer kahan hoti hain Sabt-e-sehlaabay mohabbat ko kahan tak rokay... Dil mein jo baat ho aankho say ayaan hoti hain Zindagi ek sulgati see chita hai `Dosto'... Shola banti hain na yeh bhuj kay dhuaan hoti hain Kaun kehta hai mohabbat ki zuban hoti hain Yeh haqeeqat to nikhaon say bayan hoti hain..!!
thxxxxxx
bimar ke liye
