~tasha~
Age: 125
6648 days old here
Total Posts: 47628
Points: 0
Location:
United Kingdom, United Kingdom
Na kisi ki aankh ka noor hun
Na kisi ke dil ka qaraar hun
Jo kisi ke kaam na aa sake
Main wo ek musht-e-ghobaar hun
Na kisi ki aankh ka noor hun
Mera rang roop bigad gaya
Mera yaar mujh sey bichhad gaya
Jo chaman fizaa mein ujad gaya
Main ussi ki fasle bahaar hun
Na kisi ki aankh ka noor hun
Na kisi ke dil ka qaraar hun
Main kahan rahun, main kahan basun
Na yeh mujh sey khush, na wo mujh sey khush
Main zameen ki peeth ka boj hun
Main falak ke dil ka ghobaar hun
Na kisi ki aankh ka noor hun
Paye faateha koi aaye kyun
Koi chaar phool chadaaye kyun
Koi aake shamma jalaaye kyun
Main wo bekasi ka mazaar hun
Na kisi ki aankh ka noor hun
Na kisi ke dil ka qaraar hun
Jo kisi ke kaam na aa sake
Main wo ek musht-e-ghobaar hun
Na kisi ki aankh ka noor hun
